1)aashnaa the Khud se, phir naa-aashnaa hote gaYe
ho bhalaa is i'shq kaa, ham kyaa se kyaa hote gaYe!
ashk-e-Gham behte rahe aur naqsh-e-paa hote gaYe
zindagee ke qarZ^ saare yooN adaa hote gaYe
naa-rasaayee kaa fasaanaa kyaa kaheN, kis se kaheN?
manzileN aayeeN to ham be-dast-o-paa hote gaYe
ittifaaqa" apnee Haalat par naz^ar jab jab paRee
ham nigaahoN meN Khud apnee be-ridaa hote gaYe
regzaar-e-aarzoo meN waqt woh ham par paRaa
raahzan chehre badal kar rehnumaa hote gaYe
ahl-e-dunyaa kee Zaraa dekho karam-farmaa,iyaaN
aaR meN eemaaN kee bande bhee Khudaa hote gaYe
i'shq kee be-taabiyoN kee laZZateN mat poochhiYe
naalah-haaYe aarzo Harf-e-du,a'a hote gaYe
yeh kaho "Sarwar"! tumhaaree inkisaaree kyaa huyee?
tum bhee dunyaa kee t^araH kyoN Khud-numaa hote gaYe?
2)roz-o-shab rulaaYe gee aap kee kamee kab tak?
:dard-e-bekasee kab tak? ranj-e-a'ashiqee kab tak?
"Sarwar"-e-pareshaaN se aisee dil-lagee kab tak?
be-ruKhee ke parde meN naaz-o-dilbaree kab tak?
daaGh-e-naarasaayee kyoN, zaKhm-e-kajrawee kab tak?
SubH nauHah-KhwaaN ho gee shaam-e-yaas kee kab tak?
kyoN nah ham bhee dikhlaaYeN daaGh-haaYe shaam-e-Gham?
meHshar-e-muHabbat meN yeh rawaa-rawee kab tak?
ab to apnee Soorat bhee ajnabee see lagtee hai
de gee yooN fareb aaKhir meree zindagee kab tak?
SubH-o-shaam shikwah hai, roz-o-shab kaa ronaa hai
is t^araH nibhaa,o ge ham se dostee kab tak?
raah-e-maikadah yaa Rab! har qadam peh khoTee hai
karb-e-tishnagee kab tak? jaam yeh tehee kab tak?
maiN shikaar-e-naumeedee, too wafaa se begaanah
dekhiYe rahe apnee zeest ajnabee kab tak!
ho chukeeN bohat baateN, soch to Zaraa "Sarwar" manzil-e-muHabbat meN Sirf shaa,i'ree kab tak?
3)ham huwe gardish-e-dauraaN se pareshaaN kyaa kyaa!
kyaa thaa afsaanah-e-jaaN aur the u'nwaaN kyaa kyaa!
har nafas ik nayaa afsaanah sunaa kar guzraa
dil peh phir beet gayee shaam-e-GhareebaaN kyaa kyaa!
tere aawaarah kahaaN jaaYeN,kise apnaa kaheN?
tujh se ummeed thee ai shehr-e-nigaaraaN kyaa kyaa!
bandagee Husn kee jab se huyee me'raaj-e-i'shq
sajhdah-e-kufr banaa HaaSil-e-eemaaN kyaa kyaa!
faaSile aur baRhe manzil-e-gumkardah ke
aur karte rahe ham zeest ke saamaaN kyaa kyaa!
dhoop aur chhaa,oN kaa woh khel, a'yaaza" billaah!
raNg dekhe tire ai u'mr-e-gurezaaN kyaa kyaa!
haaYe yeh laZZat-e-aazaar-e-shikastahpaayee!
ham ne Khud DhooND liYe apne bayaabaaN kyaa kyaa!
Haif, "Sarwar"! tujhe aiyyaam-e-KhizaaN yaad naheeN?
i'shq meN hai tujhe ummeed-e-bahaaraaN kyaa kyaa!
4)mareeZ^-e-i'shq par pal meN qiyaamat kaa guZar jaanaa!
:sirhaane se kisee kaa uTh keh woh pich`le pahar jaanaa!: ("Jigar" Muradabadi)
kisee ko ham-nafas samjh`aa, kisee ko chaarahgar jaanaa
magar duniyaa ko ham ne kuch` naheeN jaanaa, agar jaanaa!
maqaam-e-zeest ko ham ne bh`alaa kab mo'tabar jaanaa?
milaa jo lamHah-e-furSat use bh`ee muKhtaSar jaanaa!
ilaahee! ham GhareeboN kee hee kyoN yeh aazmaa,ish hai?
dawaa kaa be-acar rehnaa, du,a'a kaa be-acar jaanaa
tabassum zer-e-lab teraa daleel-e-SubH-e-jaan-o-dil
tiraa naz^reN churaanaa nabZ^-e-hastee kaa Thehar jaanaa!
Haqeeqat hai to bas itnee see hai haNgaam-e-hastee kee
:yahaaN par beKhabar rehnaa, yahaaN se beKhabar jaanaa:!
salaam aisee muHabbat ko, bh`alaa yeh bh`ee muHabbat hai?
kisee kee yaad meN jeenaa, kisee ke Gham meN mar jaanaa!
rah-e-ulfat meN ham se aur kyaa ummeed rakhte ho?
yeh kyaa kam hai keh apnee Zaat ko gard-e-safar jaanaa?
too Khud ko laakh` samjh`e baa-kamaal-o-baahunar "Sarwar"tujh`e lekin zamaaneh ne hameshah behunar jaanaa!
5)zamaanah ek z^aalim hai, kisee kaa ho naheeN saktaa!
kisee kaa Zikr kyaa, yeh Khud hee apnaa ho naheeN saktaa!
yeh hai mo'jiz-numaayee us kee yaa hai Husn-e-z^an meraa?
:keh us kaa ho ke ph`ir koyee kisee kaa ho naheeN saktaa:
naz^ar to ph`ir naz^ar hai, Dh`ooNDh le gee laakh` pardoN meN
ch`upo tum laakh` lekin Khud se pardaa ho naheeN saktaa!
maqaam-e-naa-umeedee zeest kaa u'nwaan kyoN Thaire?
muHabbat meN jo tum chaaho to kyaa kyaa ho naheeN saktaa!
kahaaN yeh u'mr-e-do-rozah, kahaaN dunyaa kee aawezish
huwaa ab tak, magar ab yooN guZaaraa ho naheeN saktaa
udh`ar woh naaz keh :dekh`e haiN aise laakh` deewaane!:
idh`ar yeh za'm keh :koyee bh`ee ham saa ho naheeN saktaa!:
muHabbat aur shai hai, dil-sitaanee aur hee shai hai
takalluf bar-t^araf! ab yeh gawaaraa ho naheeN saktaa!
koyee achh`aa kahe "Sarwar" tujh`e yaa woh buraa jaane
naz^ar meN Khud kee jo hai, us se achh`aa ho naheeN saktaa!
6)sunaa hai arbaab-e-a'ql-o-daanish hameN yooN daad-e-kamaal deN ge
"junooN ke daaman se ph`ool chun kar Khirad ke daaman meN Daal deN ge!"
Zaraa bataaYeN keh aap kab tak fareb-e-Husn-o-jamaal deN ge
sukooN ke badleh meN tuHfah-e-Gham, qaraar le ke malaal deN ge?
ham apne dil se Khayaal-e-dair-o-Haram ko aise nikaal deN ge
tamaam ajzaa-e-kufr-o-eemaaN bas ek sajdeh meN Dh`aal deN ge!
jinheN tameez-e-wafaa naheeN hai, jinheN sha,o'or-e-junooN naheeN hai
bh`alaa woh kis t^araH raah-e-Gham meN Hisaab-e-hijr-o-wiSaal deN ge?
zabaaN kee raNgeeN-nawaa,iyoN se, bayaaN kee jalwah-t^araaziyoN se
nigaar-e-Urdu ko har gh`aRee ham Khiraaj-e-fikr-o-Khayaal deN ge!
tumheN hai kyoN ashk-e-Gham peh Hairat, yehee to hotaa hai a'ashiqee meN
sawaal agar dil-figaar ho gaa, jawaab bh`ee Hasb-e-Haal deN ge!
Khumaar-e-baadah, Khiraam-e-aahoo, nigaah-e-nargis, nawaa-e-bulbul
kisee ne in kaa patah jo pooch`aa to ham tumhaaree micaal deN ge!
woh ek lamHah dam-e-judaayee jo zeest kaa e'tibaar Th`ehraa
us ek lamHeh ne jo diyaa hai kahaaN yeh sab maah-o-saal deN ge?
nah in kee baatoN meN aanaa "Sarwar"! yeh ahl-e-dunyaa haiN fitnah-parwar
hazaar baateN banaa banaa kar tumheN yeh dam bh`ar meN Taal deN ge!
7)
Sarwar Alam Raz Sarwar
Ghazal
Dh`ooNDte Dh`ooNDte Khud ko maiN kahaaN jaa niklaa
ek pardah jo uTh`aa, doosraa pardah niklaa!
manz^ar-e-zeest saraa-sar tah-o-baalaa niklaa
Ghaur se dekh`aa to har shaKhS tamaashaa niklaa!
ek hee raNg kaa Gham-Khaanah-e-dunyaa niklaa
Gham-e-jaanaaN bh`ee Gham-e-zeest kaa saayaa niklaa!
is rah-e-i'shq ko ham ajnabee samjh`e th`e magar
jo bh`ee patth`ar milaa barsoN kaa shanaasaa niklaa!
aarzoo, Hasrat-o-ummeed, shikaayat, aaNsoo
ik tiraa Zikr th`aa aur beech meN kyaa kyaa niklaa!
jo bh`ee guZraa tiree furqat meN woh achh`aa guZraa
jo bh`ee niklaa miree taqdeer meN achh`aa niklaa!
gh`ar se nikle th`e keh aa,eenah dikh`aaYeN sab ko
Haif! har a'ks meN apnaa hee saraapaa niklaa!
kyoN nah ham bh`ee kareN us naqsh-e-kaf-e-paa kee talaash?
sho'lah-e-t^oor bh`ee to ek bahaanaa niklaa!
jee meN th`aa baiTh` ke kuch` apnee kaheN ge "Sarwar"!
too bh`ee kam-baKht! zamaaneh kaa sataayaa niklaa!
8)koochah koochah, nagar nagar dekh`aa
Khud meN dekh`aa use agar dekh`aa!
qiSSah-e-zeest muKhtaSar dekh`aa
jaise ik Khwaab u'mr bh`ar dekh`aa!
dar hee dekh`aa nah too ne gh`ar dekh`aa
zindagee! tujh` ko Khoob kar dekh`aa!
rezah rezah umeed-o-armaaN th`e
paarah paarah dil-o-jigar dekh`aa!
koyee Hasrat nah is ke ba'd rahee
us ko Hasrat se ik naz^ar dekh`aa!
Haal-e-dil apnaa deedanee kab th`aa
dekh`te kaise? haaN! magar dekh`aa!
ham ko dair-o-Haram se kyaa nisbat?
us ko dil meN hee jalwah-gar dekh`aa!
dard meN, ranj-o-Gham meN, HirmaaN meN
aap ko ham ne dar-ba-dar dekh`aa!
sach kaho bazm-e-she'r meN tum ne
koyee "Sarwar" saa be-hunar dekh`aa?